Энэ товхимолд тодорхой биш интеграл, түүнийг бодох үндсэн аргууд, зарим анги функцийг интегралчлах тухай онолын хэсгийг зүйл бүрийн эхэнд товч бичиж практикт хэрхэн хэрэглэхийг жишээ бодлогоор харуулав.

Энэ номд баталгаа, түүний бүтэц, баталгааны аргууд, ялангуяа математикийн өөрийн өвөрмөц байдалтай уялдан танин мэдэхүйн индукц, төгс анализ, төгс биш анализ, синтез зэрэг аргууд нь баталгааны (судалгааны) арга болдог болохыг тусгасан байна.

Номын нэгдүгээр бүлэгт багш мэргэжил эзэмшигч оюутан, магистрантуудыг математик ухагдахуун, ухагдахуун төлөвших зам, төвшин, үе шат, ухагдахуун төлөвшсөнийг таних, ямар нэг зүйл судалж байгаа ухагдахуунд харьяалагдахыг таних үйлийн баримжааны алгоритм зэргийн тухай мэдлэгтэй танилцуулах зорилготой. Хоёрдугаар бүлэгт танин мэдэхүйн аргуудыг математик сургалтад хэрэглэх тухай, гуравдугаар бүлэгт сурагчдыг бие даан мэдлэг бүтээлгэх, бүтээлчээр ажиллуулахад зориулж аналоги хэрэглэн ухагдахууны тухай мэдлэгийг өргөтгөх зарим жишээнүүдийг авч үзжээ.

Энэхүү сурах бичигт аналитик геометр, шугаман алгебрын онолын элементүүдийг бүтэн хамруулахыг хичээсэн. Шугаман алгебрын үндсэн элементүүд нь математик анализ, түүний хэрэглээ, дифференциал тэгшитгэл гэх мэт математикийн олон салбарт өргөн хэрэглэгдэнэ. Аналитик геометрийг орчин үеийн түвшинд судлах нь матрицан алгебр, тодорхойлогчийн онолыг судлахгүйгээр судлах боломжгүй юм. Мөн шугаман алгебрын шугаман огторгуй, суурь, хэмжээ шугаман ба шугаман хамааралгүйн тухай гэх мэт ухагдахуунуудад аналитик геометрийн үндсэн ухагдахуунууд ашиглагдана.