Энэ товхимолд тодорхой биш интеграл, түүнийг бодох үндсэн аргууд, зарим анги функцийг интегралчлах тухай онолын хэсгийг зүйл бүрийн эхэнд товч бичиж практикт хэрхэн хэрэглэхийг жишээ бодлогоор харуулав.

Энэ номыг ЕБС-ийн нийт сурагчид, бүх шатны сургуульд элсэхээр математикаар уралдаанд шалгалтад бэлтгэх хүмүүс, математикийн багш нарт зориулан бичсэн. Нийт 4 бүлэгт сурагчдын заавал мэдэж байх гол томьёо, ухагдахуунууд, янз бүрийн сэдвийг хамарсан 130 гаруй жишээ бодлого, их дээд сургуулийн шалгалтад бэлдэгчдэд зориулсан 125 хяналтын ажлын сэдэв бүхий 1000 бодлого-хариутай, олимпиадад бэлдэгчдэд зориулсан 130 бие дааж бодох бодлогуудыг багтаасан байна. Мөн номын төгсгөлд математикт өргөн хэрэглэгддэг латин болон грек цагаан толгойг хавсаргасан байна.

Энэ номыг математикийн I ангид үздэг "Олонлог ба логикийн элементүүд" хичээлийн гарын авлага болгох зорилгоор лекц, семинарын хичээлийн материалуудад тулгуурлан эмхэтгэн бичсэн. Номд олонлогийн чадал ба эрэмбийн тоонуудын тухай бүлэгт чухал чухал үндсэн теоремуудыг оруулсан. Математик логикийн хувьд түүний хэрэглээ болох талыг тодорхойлохыг голлон анхаарсан. Мөн хэллэгийн алгебр ба предикатын логикийн элементүүдээс мөн оруулсан байна.

Энэ семинарын зөвлөмжид олонлогийн онол ба математик логикийн семинарын хичээлийн төлөвлөгөөтэй уялдуулан бодлогуудыг сонгон авч бичсэн. Уг номын гарчиг нь семинарын төлөвлөгөөний гарчигтай адил тул семинарын бодлого хайж олоход туслах болно. Мөн тэмдэглээ болон нэр томьёог сурах бичиг болог дээд алгебр, математик анализ зэрэг ерөнхий курсуудын номуудтай нийцүүлэн авсан байна.

Зохиогчид энэхүү номыг магистрантуудад сүүлийн жил уншсан лекцүүддээ үндэслэн бичсэн бөгөөд алгебр ба ерөнхий топологийн талаарх зохих мэдлэгтэй болохыг хүссэн хүмүүст зориулсан байна. Номд эрэмбэлэгдсэн бүлэг, эрэмбэлэгдсэн цагираг, Архимедийн бүлэг ба цагираг, нормчлогдсон алгебр, талбарыг норчмлох тухай асуудлуудаас сонгодог үр дүнгүүдийг оруулсан байна.

Энэ номыг МУИС, УБДС-ийн математикийн ангиудад зааж буй "дээд алгебр" курсийн программын дагуу зохиосон. Номд аль ч их сургууль болон багшийн дээд сургуулийн дээд алгебрын курсийн программд байдаг шугаман тэгшитгэлүүдийн систем, матриц, шугаман огторгуй, шугаман хувиргалт, евклид огторгуй, квадратлиг хэлбэр, нэг ба олон хувьсагчийн олон гишүүнт, мөн бүлэг, цагаригийн онолын элементүүдээс оруулсан байна.

Сурах бичиг нь математик, физик, математикийн багш, бүх төрлийн инженер, эдийн засаг болон математик үздэг дээд боловсрол эзэмших оюутан, суралцагчдад зориулагдсан ба судалж буй зүйлсийн хэрэглээг ихээр анхаарсан байна. Номын агуулга нь матрицын онол, тодорхойлогч, аналитик геометр, төгсгөлөг хэмжээст шугаман огторгуй, евклид ба унитар огторгуй, түүний шугаман хувиргалт, хэрэглээний асуудлаас тогтоно.