Энэхүү ном нь органик химийг гүнзгийрүүлэн судалдаг их дээд сургууль, коллежийн оюутнуудад зориулсан бөгөөд органик химийн онолын мэдлэгийг илүү гүнзгийрүүлэн эзэмших, мөн органик урвал явуулах хамгийн ашигтай нөхцөлийг урьдчилан харах (уусгагч , катализатор, урвалын температур сонгох) шинжлэх ухаанчаар хандах хандлага, сорилын ур ухааныг суралцагсдад төлөвшүүлэхэд тус нэмэр болно. Уг сурах бичиг нь 12 бүлэг, органик химийн хичээлд ашиглагдах үндсэн сурах бичиг, гарын авлагын жагсаалт, хавсралт материалтайгаар бичигдсэн байна.

Энэ сурах бичигт органик химийн шинжлэх ухааны агуулгыг тогтолцооны шинжилгээний арга дидактик нэгжийг томсгох технологи зэрэг дидактик боловсруулалтын аргуудыг хэрэглэн боловсруулж багцлан органик химийн тулгуур ухагдахуун, онол, арга зүйг ерөнхий химийн үндсэн онол, үзэл баримтлалд тулгуурлан их, дээд сургуулийн оюутнууд, багш, магистрант, докторант, ЕБС-ийн химийн багш, аргазүйч нарт зориулан бүтээсэн байна.