Тус эмхэтгэлд зөвхөн хөдөлмөрийн эрх зүйн харилцааны салбарт хамаарах хэд хэдэн эрдэм шинжилгээний илтгэл өгүүллээс гадна хөдөлмөрийн эрх зүйн талаар тодорхой мэдлэг олгоход чиглэгдсэн онол, практикийн ач холбогдлыг харуулсан нэг сэдэвт сурталчилгааны өгүүлэл зохих хэсгийг эзэлж байгаагаараа онцлог юм. Энэхүү эмхэтгэлийг эрх зүйн чиглэлээр сурч буй оюутнууд, хөдөлмөрийн эрх зүйн харилцааны чиглэлээр ажиллагсдад зориулжээ.

Зохиогч тухайн улсын түүх, газар нутаг, хүн ам, албан ёсны хэл, шашин, эдийн засаг, төрийн гадаад бодлого, Монгол Индонезийн хоорондын харилцаа зэргийг авч үзэхийн зэрэгцээ мөн улсын төрийн байгууламж, төрийн бэлгэ тэмдгүүд, хууль тогтоох, гүйцэтгэх, шүүх эрх мэдлийг хэрэгжүүлэх байгууллагын талаарх мэдээллийг хамруулжээ.

Энэхүү номонд “Хүний эрх” хичээлийн хөтөлбөрийн дагуух агуулгыг бүхэлд нь багтаажээ. Үүнд: Хүний эрхийн тухай ерөнхий зүйл, хүний үндсэн эрх, эрх чөлөө, хүний улс төрийн эрх чөлөө, ардчилсан эрх, эрх чөлөө, эдийн засаг, нийгэм, соёлын эрх, эрх чөлөө, хүний эрхийн тухай эрх зүйн хэм хэмжээний актуудыг оруулсан.