Энэхүү номд эрүүгийн байцаан шийтгэх ажиллагаанд хэрхэн мэтгэлцэх вэ гэдэг асуудлыг хөндсөн.

Авлигатай хийх тэмцлийг үр дүнтэй, зөв чиглүүлэх үндэс бол уг гэмт явдлын мөн чанар, учир шалтгаан, зүй тогтлыг судлан дүгнэж, задлан шинжилсэн онолын мэдлэг чухал гэдэгтэй маргах аргагүй. Хэдийгээр авлига, түүнтэй тэмцэх чиглэлээр багагүй ярьж, бичиж, мэтгэлцэж байгаа боловч энэ үзэгдлийн мөн чанар, төрөн гарах шалтгаан нөхцөл, түүнтэй тэмцэх арга замыг онол, практикийн уялдаанд чанд байдлаар судлан бичсэн нь үгүй. Энэ хэрэгцээг хангасан анхны нэг сэдэвт бүтээлийг оюунаа чилээн туурвисан зохиогчийн хөдөлмөрийн үнэ цэнэ үүнд оршино. Зохиогч авлигын гэмт явдлын эрх зүй, нийгмийн учир холбогдлыг, өөрийн сургалт, судалгааны иш баримт, олон улсын туршлага, монголчуудын сэтгэлгээний онцлогийн үүднээс нээн гаргаж тайлбарласан.

Мэтгэлцэх зарчмын үүсэл хөгжил болоод түүнийг манай эрх зүйд хүлээн зөвшөөрч хэрэглэх болсон шалтгаан, Эрүүгийн байцаан шийтгэх болон Иргэний хэрэг шүүхэд хянан шийдвэрлэх тухай хуульд энэ талаар тусгасан онцлог, практикт тэдгээрийг хэрэгжүүлэхэд анхаарах зарим асуудлуудын талаар энэ гарын авлагад анх удаа хөндөж тайлбарлажээ.

Энэхүү сурах бичигт эртний болон орчин үеийн онол үзэл баримтлалуудыг аль болох гадаад дотоодын эх сурвалжуудыг ашиглан цэгцтэй бүтцээр, криминологийн суурь онолуудын агуулгыг хураангуйлж уншигчдад ойлгомжтой байдлаар хүргэхийн зэрэгцээ тухайн онолууд түүний үзэл баримтлалыг шууд эшлэхгүйгээр агуулгаар нь тусгаж, онолын гол төлөөллүүд болон холбогдох эх сурвалжуудыг англи болон хэвлэгдсэн хэл дээр нь товч тайлбартайгаар зүүлт хийж орууллаа.

Энэхүү бүтээлд номын зохиогч Д.Зүмбэрэллхамын төрийн албаны шинэтгэлийн талаар сүүлийн жилүүдэд бичсэн эрдэм шинжилгээний өгүүллүүд, хурал зөвлөгөөнүүдэд тавьсан илтгэл, хэвлэл мэдээллийн хэрэгслүүдэд өгсөн ярилцлага тэргүүтнийг багтаажээ.