Толилуулан буй энэхүү цуврал номыг дунд сургуульд суралцагчид, математикийн хичээлийг гүнзгийрүүлэн үздэг сургууль болон анги, багшийн дээд сургуульд элсэгчид болон оюутан, багш нарт зориулж байна. Номыг бие даан үзэх гарын авлага \өөрөө сурах бичиг\, тухайн өгөгдсөн сэдвийн болон сургалтын материалын эмхэтгэл болгон ашиглаж болно. Суралцагч доорх бүдүүвчийн дагуу ажиллаж болно: Өмнөтгөл хэсгийг уншаад жишээний шийдлийг үзэн дасгал ажлыг бие даан хийсний дараа хариуг нь үзэж, ухаарч ойлгож аваад хяналтын ажлыг бодож шийдэхийг оролдож, бодсоныгоо номынхтой тулган шалгах гм. Суралцагчийн хувьд энэхүү ном нь аль нэг сэдвийг бие даан ажиллаж эзэмшихэд бүрэн тохирох бөгөөд анхан шатнаас эхлэн элсэгчдэд зайлшгүй шаардлагатай төвшинд хүртэлх дэс дараалалтай сургалтыг бодолцон зохиосон.

Энэхүү номонд бутархай рациональ тэнцэтгэл бишийн олон жишээ бодлого байгаа тул оюутан суралцагчдад тэнцэтгэл бишийг бодож сурахад маш их тус дөхөм болох болно.