Зохигч тус бүтээлээ Ш.Чоймаа багш нарын тэргүүтэй гаргасан "Монголын түүхэн сурвалж бичгийн цуврал" гучин ботийг уншин эргэцүүлж, төр сайн ч бай муу ч бай хүн бүр хүчин зүтгэх ёстой гэсэн бодолд хөтлөгдөн бичсэн байна. Аугаа их дээдсийн төр барих ухааны дээжээс өнөөгийн төрийн зүтгэлтэн, бодлоготон нарт зориулсан номдоо үлгэр болохуйц сайн үйл сургаалыг түүвэрлэн оруулсан байна.

Сурах бичгийн ерөнхий агуулгын хувьд нэгд, төрийн захиргааны ухаан нь зөвхөн төрийн байгууллага, түүний үйл ажиллагааг зохицуулдаг хуулийг бус, түүний хэрэгжилт, бодит амьдралыг илүүтэй судалдаг гэсэн үзлийн үүднээс менежментийн асуудалд илүү ач холбогдол өгөх, хоёрт, манай орны төрийн захиргааны байгууллагын өнөөгийн байдал, шинэчлэгдэх шаардлагатай уялдуулах зорилгоор ийм төрлийн сурах бичгийн хэвшсэн загвараас арай өөрөөр хандаж тодорхойлсон болно. Тиймээс байгууллагын дотоод харилцаа, хөгжил, өөрчлөлт, соёл гэх мэтийн сэдэв нь байгууллага судлалын шинжтэй боловч агуулгаараа удирдлагын арга барил, шинэчлэл, өөрчлөлтийн асуудлыг хөндөж байгаа юм. Сурах бичгийн үндсэн агуулга нь өрнөдөд, ялангуяа АНУ-д хийгдсэн төр, захиргаа судлалын үр дүнд түшиглэн бичигдсэн байна.

Энэ ном нь улстөрийн шинжлэх ухааныг эхлэн суралцаж байгаа оюутнуудад зориулсан боловч улстөрчид, улс төр сонирхогчид, хүн бүхэн ашиглаж болно. Номыг агуулга нь "Шихихутаг" хууль зүйн дээд сургууль болон бусад их дээд сургуульд уншиж байсан зохиогчийн лекцүүдээс бүрдсэн.