Эрх зүйн шинжлэх ухааны тулгуур үндэс нь хүний суурь эрх, түүнийг хамгаалж, хэрэгжүүлэхэд чиглэсэн эрх зүйн хэм хэмжээнээс бүрэлддэг. Хүний суурь эрхийн хувь заяа, эрх зүйн хэм хэмжээний агуулга, мөн чанар нь бидний төр гэж нэрлээд байгаа тэр зүйлээс шууд хамаардгийг бид мэднэ. Тийм ч учраас эрх зүйн сургалтад төрийг өрнө дорногүй янз бүрийн нэр, хаягийн дор судалсаар ирсэн байна. Энэхүү гарын авлага нь "Төрийн онол" хичээлийн хөтөлбөр, семинарын агуулгаас бүрдэх бөгөөд ерөнхий онол, тусгай онол гэсэн хоёр үндсэн бүлэгтэй.

Уг хичээлийн агуулгын хүрээнд худалдан авалт, хэрэглээ, хуримтлал, хөрөнгө оруулалт, санхүүжилт, өрхийн төсөв, эрсдэлийн талаарх шийдвэрийг санхүүгийн шинжлэх ухааны үндэслэлтэй гаргахад шаардлагатай онол, арга зүйн асуудлыг хувь хүний санхүүгийн төлөвлөлт (богино, дунд, урт хугацааны), мөнгөн хөрөнгийн удирдлага, өрхийн төсөв, татвар, даатгал, эрсдэл, өгөөж, хөрөнгө оруулалт, тэтгэвэрийн төлөвлөлт, өв хөрөнгийн төлөвлөлт зэрэг сэдвүүдийн хүрээнд судалж, санхүүгээ төлөвлөж, төсөв зохиож, санхүүгийн тооцоолол хийх чадвартай болох юм. Хичээлийн дасгал ажлын дэвтэр нь лекцийн хураангуй, дасгал ажлуудыг багцлан хэвлэн гаргаснаар оюутнуудад танхимд болон бие даан суралцах, багшид хичээлээ удирдан явуулахад уян хатан, олон арга хэлбэрээр ашиглахад туслах зорилготой.