Энэхүү хураамж нь “Захиргааны хууль тогтоомжийн хэрэглээ” хичээлийн гарын авлага болох юм. Захиргааны бодлого бодохын тулд оюутнаас захиргааны эрх зүйн ерөнхий ангийн мэдлэг, тусгай ангийн хүрээнд үзсэн салбарын хууль тогтоомжийн зохицуулалт, мөн захиргааны процессын эрх зүйн мэдлэгийг аль алиныг нь шаарддаг. Энэ гарын авлагыг хуулийн сургуулийн оюутан, захиргааны байгууллагын ажилтнууд, захиргааны чиглэлийн өмгөөлөгчид, сонирхогч, бүх хуульч нарт зориулав.

Энэхүү номоор захиргааны эрх зүйн тусгай ангийн нэг хэсэг болох, уламжлалт ойлголтоор бол эдийн засгийн салбарын удирдлагаас үүсэлтэй “эдийн засгийн захиргааны эрх зүй” хэмээх төрөлжсөн захиргааны эрх зүйг системчлэн авч үзэхийг зорилоо. Гэхдээ энэ удаад судалгааны хүрээнээс хамаарч эрх зүйн асуудлыг бүрэн авч үзсэнгүй, гагцхүү үндсэн асуудлуудаар хязгаарласан болно.