Хүн амын дундах өвлөл, эндэгдэлд гадаад орчин, нийгэм эдийн засгийн нөлөө харьцангуй их байгаа боловч эрүүл мэндийн асуудал, тусламжийн талаарх олон ургальч санаа нь анагаахын салбараас хальж нийгэм, эдийн засгийн хөгжилтэй нь цогцоор нь харахыг шаардаж байгаа талаар эрүүл мэндийн социологич Бэрнис, Жианнэ нар ойлгомжтой тайлбарласныг энэхүү бүтээлд оруулжээ. Монгол улсын эрүүл мэндийн салбарт социаль нөлөөг судалсан судалгаа дутмаг, эрүүл мэндийн социологийн шинжилгээ хомс байгаатай уялдан социологич, доктор С.Мөнхбаатар болон профессор О.Мөнхбат, нар “Эрүүл мэндийн зан үйл, эрүүл мэндийн шинэчлэл” хэмээх судалгаанд суурилсан томоохон бүтээл туурвижээ

Энэхүү ном нь Сонгодог болон Орчин үеийн Социологийн онол гэсэн хоёр хэсгээс бүрдэнэ. Номын нэгдүгээр хэсэгт социологийн шинжлэх ухаан ба түүний онолын үүсэл хөгжлийн нөхцөл байдал, нөлөөлсөн хүчин зүйлсийг авч үзсэн бөгөөд сонгодог үеийн гол гол сэтгэгчдийн үзэл баримтлалыг судлах замаар социологийн хөгжлийг судаллаа. Номын хоёрдугаар хэсэгт парадигмийн үүднээс орчин цагийн социологийн онолын хөгжлийг судлан шинжиллээ. Түүнчлэн нийгмийн шинжлэх ухаан түүний дотор социологи дах үнэний тухай асуудлыг хөндөн үзэхдээ олон парадигм, тэдгээрийн тулгуур онолуудын мөн чанар, онцлогтой холбон тайлбарласан болно.

Энэхүү бүтээлд интегратив семинарын тухай ойлголт, зохион байгуулалт, хэлбэр, дадлагын тайлан, үнэлгээ, оюутны дадлага, нийгмийн үйл ажиллагааны дэвтэр хөтлөлтийн загвар зэргийг тусгажээ.